大小姐冰室

營業中

休息中

星期日有得免費搭叮叮，於是同老公去左跑台山食晚飯，我地揀左間冰室。我地叫左精選晚餐二人餐，可自選菜式兩碟，仲有白飯兩碗、是日燉湯/例湯、熱飲兩杯，一定夠食。我地都要是日燉湯，好夠熱，飲到尾都係熱架，加左紅棗，味道好清甜，好好飲。啫啫雞煲出晒煙甘，雞肉唔鞋，份量幾多，送飯一流。沙嗲粉絲牛肉煲我欣賞佢用既係鮮牛肉，而唔係肥牛，加左菠蘿令牛肉嫩滑啲，仲有金菇同粉絲，好足料。白飯兩碗，菜式太好送飯，一碗唔多夠，哈哈。飲品叫左凍檸茶同熱柑桔蜜。