影片
更多
2017-10-26
134 瀏覽
同阿爸阿媽食飯，問佢地的話通常都話去酒樓或者小菜館，今次我揸主意叫佢地試下新事物。於是帶佢地試下呢間串燒放題--火山燒。位於銅鑼灣駱克道L-Square嘅火山燒，如果喺銅鑼灣地鐵站C出口，過兩條馬路，5分鐘都唔駛就到，非常方便。而且樓下大大個招牌，離遠已經見到了。火山燒佔地2層，而我地被安排上左10樓。呢度有間房裝修幾別緻，最啱一班朋友黎GATHERING架啦。串燒選擇繁多，阿爸阿媽比較少食串燒，佢地要慢慢睇一次先。但牛肉呀、雞翼、雞軟骨呢啲必叫架啦，真係唔駛睇咁多飲品方面，汽水同其他無酒精類嘅都係任飲，而啤酒則需另外收費。但佢地有款啤酒做緊優惠，只係加$68就可以任飲啦，好酒嘅朋友又點可以錯過呀。燒烤爐細細個，每次唔可以燒太多。另外，佢地仲有火鍋選擇，阿媽就揀左人蔘雞湯做湯底，真係夠晒正氣呀。好啦，而家就可以一邊打邊爐一邊食串燒啦。個火鍋都未滾起，已經先送黎呢個我一早落單，而且由廚房代燒嘅春雞一客。雞肉燒得夠香，而且又唔會太「諧」太乾，燒得相當唔錯，果然係廚師推介呀。爐邊有3款醬料比串燒用，分別係酸辣汁、燒汁同蜜糖。啲串燒一黎到就忍唔住要放晒佢地上去，有帆立貝呀、雞腎、雞軟骨等等，直
於是帶佢地試下呢間串燒放題--火山燒。
位於銅鑼灣駱克道L-Square嘅火山燒，如果喺銅鑼灣地鐵站C出口，過兩條馬路，
5分鐘都唔駛就到，非常方便。而且樓下大大個招牌，離遠已經見到了。
火山燒佔地2層，而我地被安排上左10樓。呢度有間房裝修幾別緻，最啱一班朋友黎GATHERING架啦。
串燒選擇繁多，阿爸阿媽比較少食串燒，佢地要慢慢睇一次先。
但牛肉呀、雞翼、雞軟骨呢啲必叫架啦，真係唔駛睇咁多
飲品方面，汽水同其他無酒精類嘅都係任飲，而啤酒則需另外收費。
但佢地有款啤酒做緊優惠，只係加$68就可以任飲啦，好酒嘅朋友又點可以錯過呀。
燒烤爐細細個，每次唔可以燒太多。
另外，佢地仲有火鍋選擇，阿媽就揀左人蔘雞湯做湯底，真係夠晒正氣呀。
好啦，而家就可以一邊打邊爐一邊食串燒啦。
個火鍋都未滾起，已經先送黎呢個我一早落單，而且由廚房代燒嘅春雞一客。
雞肉燒得夠香，而且又唔會太「諧」太乾，燒得相當唔錯，果然係廚師推介呀。
爐邊有3款醬料比串燒用，分別係酸辣汁、燒汁同蜜糖。
啲串燒一黎到就忍唔住要放晒佢地上去，有帆立貝呀、雞腎、雞軟骨等等，
直到填滿個爐為止，睇見都開心呀。
跟住啲肉類都到啦，大大塊牛舌心、牛肩肉、牛柳等等，全部都係牛
仲有我老婆最鍾意嘅燒雞翼、阿爸最鍾意嘅香草羊肉粒等等。
放題嘅好處就係大家都可以隨便叫自己鍾意食嘅野，真係好滿足。
海鮮方面，又有阿媽最鍾意食嘅生蠔同帆立貝，不過佢話平時生蠔多數食刺身，
或者打邊爐，好少食燒生蠔喎。今次佢仲讚我燒得夠香，隻蠔又夠大食，食完仲話要叫多一轉添呀。
又牛肉又海鮮，點可以唔叫啲蔬菜中和吓。我叫左茄子、翠肉瓜、番薯仔同菠蘿，
正想問阿媽食唔食燒菠蘿嘅時候，阿爸已經將塊菠蘿放左入口，
仲話咁醒識得叫定生果比佢食，真係比佢激死
我地掛住食串燒，差啲唔記得個火鍋添，
個火鍋一黎到我就先飲左個人蔘雞湯試下味，
唔錯啊，有蔘味但又唔太甘同太苦，我仲叫左胖胖牛、竹輪卷同京都炸魚丸等等
最後埋單連加一，平均都係$328/人，如果以銅鑼灣區加上係放題，我覺得唔算貴喎。
最重要係睇見一家人食得咁開心，真係咩都抵番晒啦
張貼
