原の味 (已結業)

今天和老婆放工去咗尖東睇嘢，夠鐘個肚打鼓，當然要搵食。行過冠華中心，下面好多餐廳，見到一間日本餐廳叫“原之味”，個名就好吸引，啲嘢食又點呢？？跟我一齊入去睇睇喇！！五串拼盤（大蔥、鵪鶉蛋、雞軟骨、雞柳、雞肉棒棒），首先要來一客串燒拼盤，廚師火喉拿捏得很好，配上日式燒烤汁，就特別的香口。紅菜頭汁牛油果蟹肉卷，壽司飯混上了紅菜頭汁，帶出了健康的氣息，加上了牛油果和蟹肉的香味，真的很吸引。橙薑汁蒜片烤安格斯肉眼扒，菜式的重點是肉眼扒火喉的控制，如何令肉眼扒留在最好的咬感，再加上橙的甜和薑的辣於味道調和，證明了我今天行大運。威士忌三文魚沙冰，當三文魚籽配上沙冰時，再加了威士忌，你想像到嗎？？我已知道答案，就是出奇的誘人。