日之食放題館 (已結業)

好都食評都話呢度d野難食！不過我都係食完先至留意由收到樓下傳單，到搭電梯上去，其實整個觀感都唔差上到三樓，發覺d冷氣都好凍，推門入去，有個伯伯走過來問我地幾多位，我地問左價先，$158加一之後就安排我地去個卡位，今晚客人都幾多，約有半個場坐滿，去過好多放題，呢間既烤爐都幾特別同乾淨，烤既方式都要有技巧，盡量唔好放係中間度烤，咁樣烤會搶火，好易燒焦(呢d都係伯伯同我地講既！)食物方面我就無影太多相，因個人本身比較少相機食先，食物種類都唔少，不過寫既份量就來得唔足，出現好多任食店鋪都常出現既問題，食物方面，刺身款式十分少，只得最最基本既刺身，例如三文魚、八爪魚、北寄貝、同甜蝦咁刺身新鮮程度一般，可算是不過不失，除刺身外都仲有好多唔同款式既野食，豬牛羊一定會有，仲有d魚類：龍脷魚、多春魚咁所有肉類近乎無經醃製，除非食物質十分理想，否則會幾難食一如我所預料，牛肉肉質好實，我食左1-2件就放棄，羊肉同樣好實，豬肉好d，不過就唔太新鮮，呢度只簡單提供4款汁，芝麻汁、烤肉汁、沙爹汁同咪唔記得係咪油醋汁，基於食物本身一般，單只靠呢幾款汁提升，似乎有所難度！壽司飯好大件，飯處理得未如理想，太濕。配料尚可