八福車仔麵

營業中

休息中

係半山掘頭路開餐廳，若非食物品質出眾，就只能靠街坊/學生維持，我認為依間長期播放Viu TV的車仔麵的出品，只有“綠豆沙”(因為富山一帶無糖水鋪原故)和“韭菜豬紅蘿蔔”可接受，可惜“綠豆沙”早已唔賣(事關不太好食，閒時食下當清熱氣)。上星期再去買外賣30蚊一碗的“韭菜豬血蘿蔔”，回家發現只得以往份量的一半(即半碗)，作為街坊咪落樓返去間鋪問下，邊知一位最資深的阿姊話，佢地餐牌寫明只有4粒豬紅和4粒蘿蔔，咁我咪問佢攞餐牌睇下，如果有寫明，我都無野好講。結果係人都知邊會咁寫(若有寫即係倒自己米)。阿姊吹水吹大左，大話連篇，知道自己搵錯欺騙對象，但又唔肯補返足一碗的份量，唯有死死氣退錢。依間車仔麵能做到今日，除左因為街坊們無選擇之外，相信長播Viu TV是主因，但當今日得到香港人支持時，就咁樣做生意，......真正食盡“人血饅頭”。