影片
更多
2024-09-18
586 瀏覽
好耐無係觀塘食野啦！今日約左屋企人一齊食，搵左一間串燒放題店，貪佢任食得黎又有得玩。依加7點前埋單仲有優惠，星期六日食都係218蚊，放題黎講都算幾抵。2.5小時任食時間都非常充裕。串燒選擇種類都算多，主要係QR code落單，佢仲有自助區可以揀盒裝蔬菜、飲品、前菜和雪糕。前菜全部都獨立包裝好， 衛生得黎都幾方便。非常中意佢既飲品，有大大樽薏米水、羅漢果茶、洛神花茶、菊花蜜等，食食下串燒飲番杯就最解熱氣！講番串燒，佢既賣點係放係爐上面佢就會自動轉，唔洗理佢又可以燒到好好。必點串燒推介泰式豬頸肉，殼飼牛西冷，海蝦，多春魚，雞腿肉，燒完都好嫩滑！落埋少少孜然粉仲好味。網燒既話可以試，雞腎，蒜蓉茄子，一口牛，牛仔骨，牛肩肉，雞翼。送既扇貝都好新鮮，唔錯。調味可以落少少孜然粉，辣椒粉，油脂加上依隻調味真係香到爆！另外值得一提係佢既蔬菜包都好豐富， 已經有曬調味，直接上爐燒就食得，正。炸物選擇都好多，都唔錯。特別推介可樂餅，炸蠔，炸雙皮奶，都幾有水準，可以一試。最後甜品可以先食燒棉花糖，係雪櫃任拎，燒棉花糖可以話係BBQ 必食既野！店家真係好有誠意！欣賞！整體黎講串燒屋係性價比好高既餐廳，任飲任食
串燒選擇種類都算多，主要係QR code落單，佢仲有自助區可以揀盒裝蔬菜、飲品、前菜和雪糕。前菜全部都獨立包裝好， 衛生得黎都幾方便。非常中意佢既飲品，有大大樽薏米水、羅漢果茶、洛神花茶、菊花蜜等，食食下串燒飲番杯就最解熱氣！
講番串燒，佢既賣點係放係爐上面佢就會自動轉，唔洗理佢又可以燒到好好。必點串燒推介泰式豬頸肉，殼飼牛西冷，海蝦，多春魚，雞腿肉，燒完都好嫩滑！落埋少少孜然粉仲好味。
網燒既話可以試，雞腎，蒜蓉茄子，一口牛，牛仔骨，牛肩肉，雞翼。送既扇貝都好新鮮，唔錯。調味可以落少少孜然粉，辣椒粉，油脂加上依隻調味真係香到爆！另外值得一提係佢既蔬菜包都好豐富， 已經有曬調味，直接上爐燒就食得，正。
炸物選擇都好多，都唔錯。特別推介可樂餅，炸蠔，炸雙皮奶，都幾有水準，可以一試。最後甜品可以先食燒棉花糖，係雪櫃任拎，燒棉花糖可以話係BBQ 必食既野！店家真係好有誠意！欣賞！
整體黎講串燒屋係性價比好高既餐廳，任飲任食埋單都係200蚊頭，真係好平。最緊要野食幾好，又有得玩，下次可以一班朋友黎gathering!
張貼
