影片
更多
2024-04-18
24 瀏覽
Hungry Monkey(CWB) X 國泰Cathay✈️ 四月限定Special Menu：青蘋果蟹籽沙律，好清新，份量都好足~開胃得很南國鳳尾（睇英文先知，其實即係雞 pat pat... ），選用日本沖繩鳳尾勁高溫烹調嘅表皮香脆風味十足，原來食落係唔臊嘅但係都幾油，作為嘗新係幾特別嘅辣酒凍風螺 - 爽滑又帶點香辣嘅花螺，夠惹味又唔會太嗆辣牛舌薄燒 - 薄切牛舌嫩又彈牙，再加上勁多炸蒜，超香口，係無得輸嘅組合章魚御好燒 - 個人偏執哋認為食 okonomiyaki 最緊要係食個醬 lol... 呢間嘅醬汁一啲都唔吝嗇~ 仲有紫菜同埋紅薑更加增添風味松葉蟹肉甲羅燒 - 好多嘅蟹膏，蟹肉同蟹籽。用上青瓜取代麵包餅乾底，比較清新無咁易膩，幾有諗頭A5和牛坑腩炒飯 - 原來坑腩係可以用嚟炒飯，食落有好香嘅油脂香氣，不過稍嫌個飯炒得唔夠乾身朱古力炸彈 - 外脆內流心，要小心睇熱呀！整體覺得呢度嘅 vibe 都幾熱鬧，牆上滿滿嘅酒樽同彩色霓虹燈營造咗一種好有活力嘅氛圍，再加埋偏強勁嘅音樂，啱曬收工過嚟飲下酒放縱一下。$508/2位 ~由即日至4月30日期間經 Openrice 訂座並惠顧，再
Hungry Monkey(CWB) X 國泰Cathay✈️ 四月限定Special Menu：青蘋果蟹籽沙律，好清新，份量都好足~開胃得很
南國鳳尾（睇英文先知，其實即係雞 pat pat... ），選用日本沖繩鳳尾勁高溫烹調嘅表皮香脆風味十足，原來食落係唔臊嘅但係都幾油，作為嘗新係幾特別嘅
辣酒凍風螺 - 爽滑又帶點香辣嘅花螺，夠惹味又唔會太嗆辣牛舌薄燒 - 薄切牛舌嫩又彈牙，再加上勁多炸蒜，超香口，係無得輸嘅組合
章魚御好燒 - 個人偏執哋認為食 okonomiyaki 最緊要係食個醬 lol... 呢間嘅醬汁一啲都唔吝嗇~ 仲有紫菜同埋紅薑更加增添風味
松葉蟹肉甲羅燒 - 好多嘅蟹膏，蟹肉同蟹籽。用上青瓜取代麵包餅乾底，比較清新無咁易膩，幾有諗頭
A5和牛坑腩炒飯 - 原來坑腩係可以用嚟炒飯，食落有好香嘅油脂香氣，不過稍嫌個飯炒得唔夠乾身
朱古力炸彈 - 外脆內流心，要小心睇熱呀！
整體覺得呢度嘅 vibe 都幾熱鬧，牆上滿滿嘅酒樽同彩色霓虹燈營造咗一種好有活力嘅氛圍，再加埋偏強勁嘅音樂，啱曬收工過嚟飲下酒放縱一下。
$508/2位 ~由即日至4月30日期間經 Openrice 訂座並惠顧，再經渣打國泰Mastercard 簽賬就可以每$4可以賺取4分飛行里數啦！！
張貼
