影片
更多
2023-02-01
352 瀏覽
中午喺粉嶺想搵間茶餐廳食個快飯，新釗記個名好似好熟，都係啲老牌茶餐廳，唔知自己有無喺其他地方食過，但粉嶺中心呢間就肯定未食過。門口好大隻字寫住出爐麵包，又真係聞到新鮮出爐嘅香味，見到個紙包蛋糕好鬆軟又大大件都好想食。裝修屬於舊式茶餐廳格局，入去卡位坐低，叫咗個午市套餐。#鹽焗雞飯 $58望落去鹽焗雞皮比平時深色，應該係淋咗豉油汁嘅關係，同時有雞髀又有雞翼，份量都唔少，食落去鹽焗得好入味，但唔係死鹹嗰隻，鹹得嚟又唔會蓋過雞味，無抱有任何期望的話，以普通套餐嚟講都算有驚喜。#肥牛炒公仔麵 $58炒得有鑊氣，唔肥膩，薄身肥牛片份量都多，麵質炒得彈牙爽身，醬油味夠入味但唔會太鹹，配料仲有韭黃、蔥、芽菜及蛋絲，面頭仲撒上芝麻，完全無求其，加埋辣椒醬食，惹味開胃。茶餐廳午市套餐基本上就一定包熱飲、送例湯，今次係花生眉豆蓮藕紅蘿蔔湯，老火湯煲得濃郁，唔似係味精湯。#新釗記茶餐廳地址：粉嶺新運路33號粉嶺中心地下130號舖
鹽焗雞飯
10 瀏覽
0 讚好
0 留言
望落去鹽焗雞皮比平時深色，應該係淋咗豉油汁嘅關係，同時有雞髀又有雞翼，份量都唔少，食落去鹽焗得好入味，但唔係死鹹嗰隻，鹹得嚟又唔會蓋過雞味，無抱有任何期望的話，以普通套餐嚟講都算有驚喜。
肥牛炒公仔麵
23 瀏覽
0 讚好
0 留言
#肥牛炒公仔麵 $58炒得有鑊氣，唔肥膩，薄身肥牛片份量都多，麵質炒得彈牙爽身，醬油味夠入味但唔會太鹹，配料仲有韭黃、蔥、芽菜及蛋絲，面頭仲撒上芝麻，完全無求其，加埋辣椒醬食，惹味開胃。
例湯
30 瀏覽
0 讚好
0 留言
#新釗記茶餐廳地址：粉嶺新運路33號粉嶺中心地下130號舖
張貼
