環亞機場貴賓室

營業中

休息中

因為有銀聯鑽石卡，所以出發前一個月就預先上網登記左免費去呢個貴賓室。去到門口reception，需要出示確認電郵，同埋要錄一錄張卡。當日都有唔少人，入到去都差唔多full晒枱。好彩最後俾我地搵到個窗邊位坐，但係座位就有啲窄。食物種類唔算好多，可能因為早餐嘅關係，食物比較簡單。有炒蛋、茄汁豆、腸仔、沙律吧、牛角包、魚肉燒賣、炒粉絲、粥、腸粉、魚蛋魚片頭河粉米粉。小食就有果仁、粟米脆片、小曲奇。飲品就有罐裝檸檬茶、道地罐裝茶、支裝水。最好食嘅係魚蛋魚片頭，幾想爽口。如果免費的話，算係喺機場食嘢嘅唔錯選擇，但係如果要比正價幾百蚊的話就唔值得喇。