Mr. Bake (已結業)

喺附近拜完神就搵地方醫下肚，經過一間叫做《Mr. Bake》嘅麵包蛋糕專門店，專賣稀少糖蛋糕，好注重健康嘅我又貪靚嘅我，當然要入去探索下啦。店舖除咗售賣蛋糕、麵包同埋三文治之外，估唔到仲有意粉、曲奇餅同埋飲品，多款式多選擇，仲有下午茶餐添。我同朋友就揀咗「朱古力撻」、「綠茶紅豆栗子蛋糕」同埋「朱古力牛角包」。呢三款蛋糕同埋麵包食落去嘅味道同出面嘅麵包舖好唔同，正因為《Me.Bake》係製作各款蛋糕同埋麵包嘅時候，堅持不使用添加劑，務求令顧客食出健康。當中「綠茶紅豆栗子蛋糕」味道切合我口味，一向我都唔太鍾意太甜嘅蛋糕，估唔到食落去唔太甜之餘，仲食到好濃郁嘅綠茶味道，再加紅豆同栗子，更加有口感。另外「朱古力牛角包」質感鬆軟，外皮香脆，食落去軟綿綿嘅口感，加一點朱古力醬味道，好味道。飲品方面都有多款選擇，最後揀咗一杯凍「朱古力咖啡」，味道好香濃，兩者好Match，估唔到香濃嘅絲滑朱古力配襯咖啡，另有一番味道。