大澳德發 (已結業)

今天入大澳吖，其實唔係，係來到北角嘅大澳德發，呢度以大澳為招牌，當然有番咁上下斤两喇。地道小吃，人氣套餐，大澳招牌，素食，魚湯，龍躉套餐，應有盡有。今晚嗌咗個西蘭花爆炒帶子龍躉球，加20蚊就有飯連埋例湯送。帶子新鮮，味道清甜，西蘭花翠綠爽脆，龍躉啖啖肉，賣相也唔錯，吃得心滿意足。另一碟係是日晚餐精選，視乎當日有咩新鮮食物而做，今晚呢碟係味菜蒜子海鱔煲，熱辣辣上枱配埋粒粒香飯有漁鄉風味亦有啖啖好滋味。而德發招牌菜三弄脆皮鹹豬手亦没有令我失望，皮脆趁熱吃卜卜聲，而肉質柔軟及筋位也有另一番滋味。由於份量多，2人吃唔晒打埋包做宵夜