影片
更多
2024-05-13
170 瀏覽
行完既有古蹟又有文化藝術展覽嘅大館，肚仔餓😜，知道附近有間連續 11 年獲得米芝蓮指南推薦嘅川菜餐廳，仲提供多款純素食同埋素食，當然要過去試下喇😙餐廳裝修好有四川風格， 而且新派得嚟又有格調，用上深啡色木系中國風嘅枱櫈，牆身掛畫及吊飾以紅色為主調，風格十足🥰午市套餐$348，包前菜3點、湯品、主食、飯麵、甜品及花茶🥢前菜3點前菜3點以麻•辣•燙做主題，我哋兩個人可以試哂佢5款前菜👍🔸️麻主題麻辣涼拌雞絲：雞絲麻辣味香濃，配以青瓜絲一齊食，麻辣中帶清新麻辣涼拌百合木耳：爽脆，簡單得嚟好好食🔸️辣主題素棒棒茄子：茄子非常軟腍，並且帶着酸酸甜甜嘅濃香胡麻味🔸️燙主題酥炸秋葵：外皮炸得非常香脆，內裡秋葵juicy燈影牛肉：表面有糖漿及芝麻，味道帶甜香，質地方面香脆得嚟亦帶QQ口感🥢湯類素酸辣湯羹素酸辣湯料頭充足有筍絲、甘筍、雲耳、豆腐乾等材料，酸酸辣辣非常醒胃，而且濃而不鹹蘑菇蛋花羹好濃郁嘅雞湯，並且有大量雲耳、蘑菇及蛋花，超正🥢主食孜然羊仔柳味道好有大漠風情，孜然味濃郁而且辣度剛好，配合Q彈有嚼勁嘅羊仔柳，正霸王蝦球+$98大大隻蝦球非常爽彈，就算與濃香麻辣嘅料頭爆炒都食到其鮮甜味，惹味非常🥢主食
餐廳裝修好有四川風格， 而且新派得嚟又有格調，用上深啡色木系中國風嘅枱櫈，牆身掛畫及吊飾以紅色為主調，風格十足🥰
午市套餐$348，包前菜3點、湯品、主食、飯麵、甜品及花茶
🥢前菜3點
前菜3點以麻•辣•燙做主題，我哋兩個人可以試哂佢5款前菜👍
🔸️麻主題
麻辣涼拌雞絲：雞絲麻辣味香濃，配以青瓜絲一齊食，麻辣中帶清新
麻辣涼拌百合木耳：爽脆，簡單得嚟好好食
🔸️辣主題
素棒棒茄子：茄子非常軟腍，並且帶着酸酸甜甜嘅濃香胡麻味
🔸️燙主題
酥炸秋葵：外皮炸得非常香脆，內裡秋葵juicy
燈影牛肉：表面有糖漿及芝麻，味道帶甜香，質地方面香脆得嚟亦帶QQ口感
🥢湯類
素酸辣湯羹
素酸辣湯料頭充足有筍絲、甘筍、雲耳、豆腐乾等材料，酸酸辣辣非常醒胃，而且濃而不鹹
蘑菇蛋花羹
好濃郁嘅雞湯，並且有大量雲耳、蘑菇及蛋花，超正
🥢主食
孜然羊仔柳
味道好有大漠風情，孜然味濃郁而且辣度剛好，配合Q彈有嚼勁嘅羊仔柳，正
霸王蝦球+$98
大大隻蝦球非常爽彈，就算與濃香麻辣嘅料頭爆炒都食到其鮮甜味，惹味非常
🥢主食
自家製X0醬 三色炒米粉+$50
有好多紅椒絲、青椒絲、甘筍絲及芽菜，米粉炒得爽口唔油膩，味道鹹香好味
家鄉麻辣燙素菜炒飯+$50
飯粒炒得爽口粒粒分明，就算只係採用素菜去炒飯都非常惹味
🥄甜品
薑茶湯圆
薑茶湯又濃又香甜，湯圓質地煙韌有口感，餡料非常香黑芝麻味
🫖手工中國花茶
手工花茶造型獨特，沖泡後慢慢綻放成花朵，飲落芳香怡情，可以解膩同時又可解辣
張貼
