影片
更多
2019-04-14
2610 瀏覽
今日約左朋友睇復仇者聯盟展覽，睇完之後天氣涼左就黎左《海底撈》打番個邊爐，等緊位既時候店舖有提供小食、遊戲比客人打發一下時間，而且美女們最岩就係有埋美甲💅手護理免費服務！真係時間過得真快，終於叫到我地既號碼！呢度同內地一樣都係用Ipad 來點餐，首先好多謝店員珍珍為我地提供咁優質既服務！ 仲拎埋一隻咁可愛既陪食熊仔坐我旁邊一齊用餐🤗🤗我地點左4格宮：清油麻辣火鍋 $33、蕃茄火鍋 $33 +2格清湯，比起雙拼叫法平左成70幾蚊架！😁😁爐底設有抽氣系統, 食完後身上味道會減少！😌 每位加$18 可出去任拎醬料同小吃，另加$15就有埋任飲，我地選左凍檸茶！珍珍好熱心咁介紹推薦菜色比我地😋😋👍👍仲提供埋圍裙比我地著免得彈到我地件衫好dirty!（半份）海底撈自製豆腐 $34；大大舊，有四舊，食落口好鬆化，吸晒蕃茄湯味道！而麻辣湯底較濃，岩晒我朋友食得麻辣！（半份）西班牙🇪🇸梅豚肉 $84；薄薄片好腍身仲有好QQ彈牙既咬感！（半份）響鈴🔔卷 $14；豆味香濃，卓一卓就食得，好滋味！（半份）魚籽蟹滑 $64；店員幫我地一粒一粒咁放落個鍋度，魚籽卜卜脆，蟹滑又彈牙！（半份）活蝦（6隻）$69；蝦🦐
我地點左4格宮：清油麻辣火鍋 $33、蕃茄火鍋 $33 +2格清湯，比起雙拼叫法平左成70幾蚊架！😁😁爐底設有抽氣系統, 食完後身上味道會減少！😌 每位加$18 可出去任拎醬料同小吃，另加$15就有埋任飲，我地選左凍檸茶！珍珍好熱心咁介紹推薦菜色比我地😋😋👍👍仲提供埋圍裙比我地著免得彈到我地件衫好dirty!
（半份）海底撈自製豆腐 $34；大大舊，有四舊，食落口好鬆化，吸晒蕃茄湯味道！而麻辣湯底較濃，岩晒我朋友食得麻辣！
（半份）西班牙🇪🇸梅豚肉 $84；薄薄片好腍身仲有好QQ彈牙既咬感！
（半份）響鈴🔔卷 $14；豆味香濃，卓一卓就食得，好滋味！
（半份）魚籽蟹滑 $64；店員幫我地一粒一粒咁放落個鍋度，魚籽卜卜脆，蟹滑又彈牙！
（半份）活蝦（6隻）$69；蝦🦐肉爽口好新鮮，上檯時仲郁下郁下，店員好細心咁幫我地剝埋蝦殻！
（半份）手切牛小排 $94；牛味好重，肉身都好鮮甜同嫩滑！
（半份）長生菜 🥬$14；菜十分新鮮，食得健康
（半份）撈派毛肚$64；卓15秒就食得，好似牛柏葉咁爽脆！本身冇咩味道，再點一點醬汁更好味！
（半份）撈派滑牛肉$49；牛肉都好腍身，而且仲好爽滑。
（半份）撈麵$18；經店員推介落左牛肉沫+芫茜+蔥粒再加埋蕃茄濃湯🍲，再加上師傅親自手打精彩表演既撈面，更加食出幸福滋味既感覺，面底更加煙韌！
最尾仲有埋甜品：芝麻雪米滋同埋薄荷糖。
中途食緊之際仲有得睇埋咁精彩既變臉表演，又好味又有表演睇，真係一個帶比我地開心娛樂既一個晚上🌃🥰
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊
張貼
