影片
更多
2022-08-12
613 瀏覽
暑假的節奏，同阿仔去藍田買運動衫同波鞋。有朋友係藍田運動服店工作，知道有特價優惠。所以一場黎到，買完運動衫同鞋，順便周圍行下。同阿仔都有啲攰，比佢見到呢間小食店有珍珠奶茶，二話不說要買杯野飲抖下先。坐低睇下睇下，真係估佢吾到選擇十分多。港、台、泰都有，台式有滷肉飯、鹽酥雞、新竹米粉 等，亦有芋圓等甜品、珍珠奶茶。泰式有豬頸肉、無骨鳳爪等。當然吾少得港式小食，好似燒賣、魚蛋、雞蛋仔，甜品有咋喳、紅豆沙、桃膠等等。本來打算只係叫兩杯飲品，《珍珠奶茶》（$22）和《百香果紅茶》（$22）。珍珠奶茶有啲特別，入口似沙冰，奶茶味香，甜味適中，真心不錯。老闆介紹慢火燉《雪蓮子挑膠銀耳》（$38）剛剛墩好，推介我們一試，老實自己都吾識整，加上呢的工夫野真係講心機同時間，即管又食個甜品潤一潤，足料吾太甜啱我口味。坐下抖下飲下野，期間不少街坊食客，其中有位熟客入坐後點了碗喇沙，原來係即叫即製，上檯嘅時候喇沙香味由隔離枱飄過嚟，真心好香，即刻同阿仔食指大動。最後忍不住再加一個《豬頸肉喇沙》（$64）配新竹米粉兩份食。喇沙湯底超香濃，湯夠熱。新竹米粉吸收湯汁，每一啖都咁滋味。呢個喇沙一定要試。之後同老闆娘傾
坐低睇下睇下，真係估佢吾到選擇十分多。港、台、泰都有，台式有滷肉飯、鹽酥雞、新竹米粉 等，亦有芋圓等甜品、珍珠奶茶。泰式有豬頸肉、無骨鳳爪等。當然吾少得港式小食，好似燒賣、魚蛋、雞蛋仔，甜品有咋喳、紅豆沙、桃膠等等。
本來打算只係叫兩杯飲品，《珍珠奶茶》（$22）和《百香果紅茶》（$22）。珍珠奶茶有啲特別，入口似沙冰，奶茶味香，甜味適中，真心不錯。
老闆介紹慢火燉《雪蓮子挑膠銀耳》（$38）剛剛墩好，推介我們一試，老實自己都吾識整，加上呢的工夫野真係講心機同時間，即管又食個甜品潤一潤，足料吾太甜啱我口味。
坐下抖下飲下野，期間不少街坊食客，其中有位熟客入坐後點了碗喇沙，原來係即叫即製，上檯嘅時候喇沙香味由隔離枱飄過嚟，真心好香，即刻同阿仔食指大動。最後忍不住再加一個《豬頸肉喇沙》（$64）配新竹米粉兩份食。喇沙湯底超香濃，湯夠熱。新竹米粉吸收湯汁，每一啖都咁滋味。呢個喇沙一定要試。
之後同老闆娘傾了幾句，原來呢間小店開店很多年，真正同街坊一同成長，經歷不同時代嘅轉型。仍然努力堅持用心做好食物，大家不妨去支持一下。
張貼
