旺囍車仔麵 (已結業)

今日行街經過一間店舖門口，見到非常多人，人頭湧湧的，心想係咪真係好好食呢？後嚟我入去搵咗個位坐低，原來係賣街頭小食，雖然唔係好肚餓，我都叫咗兩樣食物。一碗生菜手打魚肉，雖然表面係一種普通嘅魚肉湯，但佢份量大大碗，唔係野少，湯底非常濃甜，飲得出係一個用時間餚製出來的湯底，魚肉食起上嚟特別煙煙靭靭，跟我平時食開嘅完全不同，食得出係師傅嘅手藝，將魚肉打到起膠才會有這個效果，完全冇腥味，蔥花份量配合得均等。生菜都係新鮮嘅，非常爽脆清甜，整個魚肉湯配搭一流，好美味。另一個雞中翼都好出色，表皮同內裏都一樣咁滑溜，肥大肉厚，雞翼皮梗係好食啦， 滑捋捋，肉質幼嫩多汁，自家製嘅醬料醃製得非常出色，將一隻平平無奇嘅雞翼，提升到另一個層次，令人回味無窮。