一蔵酒場 (已結業)

放工打算食埋飯先返屋企，順便搭船過尖沙咀行下新商場，路經灣仔碼頭，見好耐冇去過灣仔個築地，就上去行個轉，點知一見到呢間有魚湯泡飯，就吸引咗我入去喇。雖然卡位冇哂，但對住個海食飯更別有一番風味、更寫意。我哋嗌咗魚湯泡飯，個湯好鮮魚味，冇記錯用咗𩶘魚，魚肉已起哂骨，而且魚肉應該係用湯淋上去整熟，所以唔會熟到爛哂，以𩶘魚這比較淡魚味嚟講都食到好鮮嘅味道實在有d喜出望外。至於串燒，免治雞肉好食，牛舌有厚度，值得一讚，不過如果有些鹽灑上面應該會更好。另外叫咗豚肉飯，望落去豚肉好似冇乜顏色，但食落去豚肉都好濃味，肥嘅部分仲入口即溶。美中不足係不論泡飯還是豚肉飯，飯質都太淋，而且太淡，否則就大滿足喇。