影片
更多
2021-08-07
181 瀏覽
極差體驗 其實都好少會寫食評 但真係未見過一間咁差嘅 週末一行五人去 見openrice好評咁多 咪去試食 去嘅時間冇其他客人 心諗可能過左午市高峰時間 一入去見到3個staff 其中2個冇戴好口罩 露左個鼻同口出黎 1個完全冇戴口罩企係水吧 佢地圍內自己係咁吹水 每句都至少含一個字嘅粗口 …未有客人時都還可接受嘅見間餐廳冇人咁尷尬就拿拿林落單 落完單再上openrice睇下食評 睇下有咩好食 洗唔洗加單 見到有一篇劣評咪睇下點解 人地話佢個前菜會自己收錢唔出聲 然後waitress就上左3個蕃茄前菜 講左句：你哋兩個人就有一個。咁我地之後咪問係咪跟餐比 我地唔係好食呢樣野 可唔可以唔要？佢就黑口黑面咁答：唔係，你哋兩個人就有一個，係要另外收錢嘅。然後就收走，收走既時候晦氣補左句：唔食都係掉😒感覺好差 好似局人食前菜咁 暗地裏收費 又唔出聲 問佢先講都算喇 佢拎走前菜放番啲碟入去時仲專登製造bang bang聲🙄 同事問佢做乜 佢態度勁差喎👺係我地面前向同事用粗口鬧我地至於入面嘅廚師燒串燒時繼續冇戴番口罩 有個仲要咳左一下 疫情期間見到咁樣好難會冇反感 食都食得唔安落 你係廚房唔戴我唔
週末一行五人去 見openrice好評咁多 咪去試食 去嘅時間冇其他客人 心諗可能過左午市高峰時間
一入去見到3個staff 其中2個冇戴好口罩 露左個鼻同口出黎 1個完全冇戴口罩企係水吧 佢地圍內自己係咁吹水 每句都至少含一個字嘅粗口 …未有客人時都還可接受嘅
見間餐廳冇人咁尷尬就拿拿林落單 落完單再上openrice睇下食評 睇下有咩好食 洗唔洗加單
見到有一篇劣評咪睇下點解 人地話佢個前菜會自己收錢唔出聲 然後waitress就上左3個蕃茄前菜 講左句：你哋兩個人就有一個。咁我地之後咪問係咪跟餐比 我地唔係好食呢樣野 可唔可以唔要？佢就黑口黑面咁答：唔係，你哋兩個人就有一個，係要另外收錢嘅。然後就收走，收走既時候晦氣補左句：唔食都係掉😒
感覺好差 好似局人食前菜咁 暗地裏收費 又唔出聲 問佢先講都算喇 佢拎走前菜放番啲碟入去時仲專登製造bang bang聲🙄 同事問佢做乜 佢態度勁差喎👺係我地面前向同事用粗口鬧我地
至於入面嘅廚師燒串燒時繼續冇戴番口罩 有個仲要咳左一下 疫情期間見到咁樣好難會冇反感 食都食得唔安落 你係廚房唔戴我唔知都算 但對住客時做下樣戴一陣口罩都要啦 佢仲要整完拎黎上菜時繼續唔戴……….😵
以一台客來講上菜速度好慢 佢有至少四個係負責整野食 自落單後超過半個鐘先上齊所有食物
食物質素整體也是一般 豚肉鵪鶉蛋串燒係好食嘅 雞翼串燒超咸 3個豚肉石鍋飯入面 有一鍋係硬飯 一鍋係正常 一鍋係軟飯😶 豚肉係切開一粒粒的 質感勁嚡
全間一共見到6個staff 得一個男仔有戴好口罩 值得表揚👏🏻👏🏻👏🏻
係呢間食到我啲家人好唔開心 未上菜已問可唔可以即刻走
以咁嘅價錢 咁嘅服務 食茶記大牌檔仲好
食到一肚氣 滯到上心口😾 美好週末比佢地搞到冇晒心情
以後唔會再幫襯
4 瀏覽
0 讚好
0 留言
張貼
