影片
更多
2014-06-22
550 瀏覽
見早排團購$35可以買到$70現金券, 又適逢媽媽節. 一於買定幾張同媽媽慶祝媽媽DAY食.由於突然改了用餐日期, 我地一行9大1B, 唔訂位真係驚冇得食.下午打去, 初初話冇得BOOK, FULL HOUSE, 咁我地咪諗住揾人早少少去WALK IN等位.到夜晚臨去之前, 本身想打去確定所在位置, 口多問多次有冇得BOOK位, 又有喎, 咁就放心哂了.肯定有得食先嘛.去到, 並唔係"FULL HOUSE", 好老實講, 只可以稱得上入座率只有30%.好喇, 有部份人先到, 咁啱當時報紙有個COUPON, 係$128有個肉醬意粉同夏威夷普通批, 由於我地用團購, 所以都有專登問店員用唔用得. 店員請示上級後, 話用得. 咁我地就放心咁用.我地叫左:超級雜錦PIZZA --- 中規中矩, 厚批, 但批邊餅位較位厚身, 餡料比較珍貴, 成個批都係得幾粒肉碎闊條麵 --- 味道一般, 勝在紅汁夠蟹肉菠菜卷 --- 食左都唔知係乜, 個汁好"腥"好"苦", 一D都享受個味道意大利飯===> 店員落錯單, 寫左腸仔意粉, 我地見店員面有難色, 都冇再追究, 照食好了炸磨菇 --- 幾特別
由於突然改了用餐日期, 我地一行9大1B, 唔訂位真係驚冇得食.
下午打去, 初初話冇得BOOK, FULL HOUSE, 咁我地咪諗住揾人早少少去WALK IN等位.
到夜晚臨去之前, 本身想打去確定所在位置, 口多問多次有冇得BOOK位, 又有喎, 咁就放心哂了.
肯定有得食先嘛.
去到, 並唔係"FULL HOUSE", 好老實講, 只可以稱得上入座率只有30%.
好喇, 有部份人先到, 咁啱當時報紙有個COUPON, 係$128有個肉醬意粉同夏威夷普通批, 由於我地用團購, 所以都有專登問店員用唔用得. 店員請示上級後, 話用得. 咁我地就放心咁用.
我地叫左:
超級雜錦PIZZA --- 中規中矩, 厚批, 但批邊餅位較位厚身, 餡料比較珍貴, 成個批都係得幾粒肉碎
闊條麵 --- 味道一般, 勝在紅汁夠
蟹肉菠菜卷 --- 食左都唔知係乜, 個汁好"腥"好"苦", 一D都享受個味道
意大利飯===> 店員落錯單, 寫左腸仔意粉, 我地見店員面有難色, 都冇再追究, 照食好了
炸磨菇 --- 幾特別同幾好食, 算係最好食既一樣
焗燒南瓜雞肉蓉 --- 淡淡的, 唔講都唔知係乜名堂
茄子千層卷 --- 一般
夏威夷POP UP PIZZA -- 又係薄薄的, 但用COUPON價, 算係可以接受
肉醬意粉 --- 冇乜特別千層麵 -- 唔太夠汁, 味道都OK
總括黎講, 如果唔係由我點菜, 我一定估唔到菜式係用咩食材做, 味道千篇一律, 味味都差唔多.短期內我唔會再去此集團幫襯, 以正價食, 完全唔值得.
題外話/補充資料：
到埋單了, 有個男人先走黎話"你地用團購券係唔可以用128蚊呢個優惠", 我真係無名火起, 如果我自把自為夾硬用, 我抵屎, 但我真係問過你, SHOW埋張券, 你地有店員話用得, 我先用. 我要求見全店最大粒嗰位. 男人話佢就係. 佢好似錄音機咁不停重覆"真係唔用得, 真係做唔到". 然後話你地頭先問嗰個女仔係新黎. 其實....佢做左幾多日, 關我乜事呢? 答錯客, 係佢地店方培訓既問題, 唔通責任要消費者承擔??
我係消費者, 問左你地話得, 而家到埋單又話唔得, 仲話要我比左正價先再追究, 你當我傻的嗎??? 我唔肯.
喺雙方爭論既同時, 我先生突然好唔客氣大聲同個男人講"唔該你閂左你部收音機先", 我頂.....咩態度呀, 當天係週三, 跑馬日, 你自稱全店最大粒, 開緊工喺度聽住馬經, 同客爭執緊, 你都唔去閂左佢. 我真係覺得佢好唔尊重客人.
講到尾, 我企硬唔肯比正價. 最後對方都軟化. 我得直.
講真, 咁大集團, 員工待客咁既態度真係有需要好好認認真真去檢討.
(以上食評乃用戶個人意見 , 並不代表OpenRice之觀點。)
張貼
