天香樓

營業中

休息中

見依家係大閘蟹季節就嚟左天香樓試吓。一入門口就聞到一陣臭味🤢！估計係門口張紅色地氈散發出黎，陣味好似喺街市啲魚檔/肉檔個種臭味。好彩我哋張四人枱坐得夠遠先聞唔到。之後點餐，男侍應服務態度唔係非一般嘅冇禮貌，而係非常臭寸。嫌我地四個女仔叫得少，又俾說話我哋聽。問題係飯店嘅餐牌有大概1/3嘅食物都無得order， 因為原來餐牌上嘅食物冇寫價錢就無。侍應亦都冇預先同我哋講… 😅 準備食耶個陣，朋友發現隻羹有啲污糟嘢，想要個隻新，個侍應一手攞左隻羹，淨係大大聲唔耐煩咁講「換俾佢！」只可以話係衛生同服務態度真係仲有好大嘅進步空間。食物水準不過不失，偏油。大閘蟹都算唔錯。但係我要再三強調係衛生方面，我有啲擔心😳碟清炒蝦仁出現左一條類似體毛嘅物體，我哋同女侍應講，佢用咗個比較hea 嘅理由—— 「煮個陣係個鑊到甩出嚟…」估計應該無諗住要換俾我哋。當我哋要求換個陣，女侍應黑面，前提係我地一梗都未食過🙄。最後埋單食左$4xxx ，食到一肚氣，飽左！