飼說 (已結業)

Item: 飼說
Rating: 2
Author: lumanchih

Speechify

3.5

138 食評

味道

環境

服務

衛生

抵食

6265

銅鑼灣

$101-200

西式多國菜 All Day Breakfast 沙律樓上cafe

lumanchih

等級1

今晚諗住同男朋友係到慶祝生日，所以買左個蛋糕上去。首先，上到去叫員工雪既時候都冇講過擺係到雪要收錢。講返成個用餐經過先，叫左個黑松露醬薯條，黎到都唔覺有野，一食第一啖，成兜野都係燶味，唔明點解廚房冇檢查過食物先出，ok見個女員工講唔好意思都覺得唔緊要。到食完野，同個女侍應講：「想拎返個蛋糕影一影相，不過唔係到切。」返埋位見佢拎個蛋糕過黎係用佢地餐廳自己既碟，為免有誤會所以等佢攞到埋黎再重申一次：「我地唔係係到切。」到埋單個陣，見到張單寫住extra charge for cake，問個男員工「係咪姐係切餅費？」佢話「係。」我就話：「但係我同你員工講我淨係想攞返個蛋糕但唔係係到切。」佢就答：「因為我地幫你擺左落個碟到。」當刻都冇辦法，只好照比錢。但後尾諗返真係原則既問題，所以打返去同佢理論，但位男員工完全冇諗過要比個好既答覆，擺明係玩緊野，淨係答你「係，明白，如果你有唔滿意可意打去消委會投訴，我地公司都有自己既rules。」再者佢叫我等等，我問佢負責人幾時比到個答覆我，佢答我「比咩答覆，你想要咩既答覆？」ok我再重申叫佢搵佢負責人黎聽，佢隔幾秒又用返同一把聲講野，我話：「你應該都係頭先位同事啦下話？」佢答我係。我話「叫你負責人黎聽啦。」佢竟然笑笑口同我講「我諗你唔會同到佢講野囉。」，同佢理論多一輪，佢話EXTRA CHAGRE OF CAKE包含埋雪都要錢，即使你冇切過。好啦問佢點稱呼，因為我打去消委會都要講明係你地邊位同事態度同處理方式有問題，位男員工擺到明玩野答我姓陳，「你話陳先生就ok架啦，係呀陳先生。」講到呢到真係一肚氣，我覺得已經唔係切餅費既問題，係員工態度同處理方式既問題，既然你咁理直氣壯點解你唔話我聽你全名？從未試過食一間餐廳食到一肚氣，咁差既服務態度真係第一次見，無論如何一定會打去消委會投訴，拎唔拎得返100蚊已經唔係重點，重點係條氣好唔順，如果我真係係到切左個餅，又或者你同我講過雪蛋糕要收返額外費用，200蚊我都比，但你擺到明係博個客唔問，自把自為將個蛋糕拎出黎放落個碟到就收人一筆費用啦。難聽啲講根本就係「屈」。呢間野我一定唔會再幫襯，永久blacklist之餘一定追究到底。