影片
更多
2010-08-16
8 瀏覽
星期五約左幾個朋友睇戲,套戲要做成兩個半鐘頭,就諗住嚟呢度食晚餐啦,因為都近戲院的.訂左10點半枱,我地睇完戲行到過嚟都差唔多10:45啦,其實這裏都幾full的,樓下已滿,我地就坐樓上,咁夜先食飯都唔想食太多,就叫左一個兩人晚餐一齊食,但呢度有最低消費,每人一定要叫一個正價的食品,其中一個朋友好想飲湯,但原來這裏的湯是不能散叫的呀,冇辦法就叫飲品了.二人套餐包括:餐湯,兩個都叫左意式牛肉湯-好咸,好似飲緊汁咁,冇料的啊,有點失色呀,蒜容包都好香口及香脆的前菜,一個大蝦薯仔沙律,一個巴拿馬火腿蜜瓜沙律,先講大蝦薯仔沙律,這個賣相都幾靚,味道都唔差的,有一隻大蝦,一些薯仔沙律,個汁都配得幾好及開胃呀,大蝦都爽口的,至於巴拿馬火腿配蜜瓜沙律,這個都好味的,有兩片巴拿馬火腿係面,兩片蜜瓜及一些沙律菜,加些沙律油都幾夾呀主菜,大蝦煎魚柳跟意粉,份量都唔細架,隻魚柳可以切開四件但都ok大件架,都煎得幾香及魚肉都滑身的,大蝦都好味呀,雖然唔算好爽但都大隻架,意粉配埋個汁好fresh呀,個汁有些香草味道鵝肝西冷跟薯菜-鵝肝好好味的,好淋好juicy,真係入口即融架,個西冷就一般啦,d肉好似淋得滯啊,
二人套餐包括:
餐湯,兩個都叫左意式牛肉湯-好咸,好似飲緊汁咁,冇料的啊,有點失色呀,蒜容包都好香口及香
脆的
前菜,一個大蝦薯仔沙律,一個巴拿馬火腿蜜瓜沙律,先講大蝦薯仔沙律,這個賣相都幾靚,味道都唔差的,有一隻大蝦,一些薯仔沙律,個汁都配得幾好及開胃呀,大蝦都爽口的,至於巴拿馬火腿配蜜瓜沙律,這個都好味的,有兩片巴拿馬火腿係面,兩片蜜瓜及一些沙律菜,加些沙律油都幾夾呀
主菜,大蝦煎魚柳跟意粉,份量都唔細架,隻魚柳可以切開四件但都ok大件架,都煎得幾香及魚肉都滑身的,大蝦都好味呀,雖然唔算好爽但都大隻架,意粉配埋個汁好fresh呀,個汁有些香草味道
鵝肝西冷跟薯菜-鵝肝好好味的,好淋好juicy,真係入口即融架,個西冷就一般啦,d肉好似淋得滯啊,薯菜係薯條加一些菜,都ok的
甜品方面,叫左一個朱古力心太軟及一個法式焦糖燉蛋,都唔算等左好耐,個心太軟都係流心的,但我覺得唔夠熱,不過都係好味的,法式焦糖燉蛋面層的焦糖真的很脆架,食到有聲架,卜卜聲,底層的燉蛋就好滑呀,但都係唔夠熱啊.
飲品,朋友話見到menu有特色飲品,以為係果茶點知原來係沙冰,仕應話有花茶的,但本menu就冇寫,佢地幾個都叫左花茶,我則叫左一杯芒果荔枝沙冰,朋友們的花茶都ok的,薰衣茶則好香,我的沙冰個樣都幾特別呀,底層係荔枝,跟住面層係芒果沙冰,但係甜左少少啊.
我地食到全部人走晒,得返我地一張枱未走,仕應們已開始清場啦,不過服務都係好好的,唔會掛住關門就趕客.
張貼
