富來餐廳小廚 (已結業)

大大話話小弟住屯門都住左二十年，富來亦由細食到大，係度食，食物不會係最精緻，但同高級餐廳一樣，食既環境都好重要🤣。同老豆兩個人食晚飯，不禁就揀左對面富來餐廳，一個餸68蚊，見左三個。芥蘭炒臘腸-芥蘭都帶甜，可以再煮淋小小，臘腸無咩好評價。豆豉鯪魚唐蒿-菜多魚小，不過啲蒜頭幾好，菜剛剛好淋度。京都骨-好食好開胃，送飯一流，諗落呢個最掋食，肉尚算多☺️好普通既一餐同好普通既餐廳，卻不經不覺食左二十年。食既時候見到由細睇我睇到大既伙記做得好開心，成班有傾有講。舖內裝潢依舊無變，碗碟碗筷還用舊式既餐廳香港亦開始買少見少，希望自己同香港人好好珍惜😭😭