影片
更多
2023-07-08
46 瀏覽
好耐都無食過烤魚，好多人都話食呢啲嘢不如返大陸食好過，但舟車勞頓又要返上去其實個機會成本都喺返度，今次去咗呢間喺香港有9間分店嘅巴辣仔，咁岩佢地喺西環插咗支旗，當然要一試究竟。我同另一半夜晚7點左右到，已經接近坐滿位嘅狀態，呢間烤魚店比起坊間其他嘅烤魚店環境黎得更加乾淨企理，坐得更加舒服，店入面亦都有好多打卡嘅位，岩晒男女老少。職員同我地講介返店入面有得免費自助冰粉自己撈，亦都有菊花茶添飲。我地今次就嗌咗：1）爆檸酸菜烤沙巴龍躉 ⭐️⭐️⭐️⭐️⭐️ / ⭐️⭐️⭐️⭐️⭐️2）海陸空把把燒 ⭐️⭐️⭐️⭐️ / ⭐️⭐️⭐️⭐️⭐️3）燒脆鯇魚 ⭐️⭐️⭐️⭐️ / ⭐️⭐️⭐️⭐️⭐️4）鴛鴦糍粑 ⭐️⭐️⭐️⭐️⭐️ / ⭐️⭐️⭐️⭐️⭐️唔係講笑，我另一半話見佢個爆檸酸菜係招牌，所以就試一試，點知一試就返唔到轉頭，真係好開胃超好味，啲魚嘅鮮味配搭埋類似泰式與中式之間嘅味道，我真係未試過咁出色嘅烤魚。特別係如果淥埋啲薯粉，索埋個湯底就更加好味😋😋條龍躉食得出係活魚黎，始終食開魚，死魚同活魚個口感真係會有好大分別，所以個鮮味好出，魚肉嘅質感都係比較結實，但又唔會鞋口，同埋條魚真係好大條，但我地兩個都食得晒🤣。之後就到海陸空把把燒同燒脆鯇魚，係西環呢間嘅巴
1）爆檸酸菜烤沙巴龍躉 ⭐️⭐️⭐️⭐️⭐️ / ⭐️⭐️⭐️⭐️⭐️
2）海陸空把把燒 ⭐️⭐️⭐️⭐️ / ⭐️⭐️⭐️⭐️⭐️
3）燒脆鯇魚 ⭐️⭐️⭐️⭐️ / ⭐️⭐️⭐️⭐️⭐️
4）鴛鴦糍粑 ⭐️⭐️⭐️⭐️⭐️ / ⭐️⭐️⭐️⭐️⭐️
唔係講笑，我另一半話見佢個爆檸酸菜係招牌，所以就試一試，點知一試就返唔到轉頭，真係好開胃超好味，啲魚嘅鮮味配搭埋類似泰式與中式之間嘅味道，我真係未試過咁出色嘅烤魚。特別係如果淥埋啲薯粉，索埋個湯底就更加好味😋😋條龍躉食得出係活魚黎，始終食開魚，死魚同活魚個口感真係會有好大分別，所以個鮮味好出，魚肉嘅質感都係比較結實，但又唔會鞋口，同埋條魚真係好大條，但我地兩個都食得晒🤣。之後就到海陸空把把燒同燒脆鯇魚，係西環呢間嘅巴辣仔限定，其他分店冇，而佢嘅調味亦都做得好好，唯一就係我地掛住食魚，所以最後就攤凍咗先食。另一樣令我經驗嘅食物就係鴛鴦糍粑，我可以夠膽擔保，呢個係我食過最好味嘅糍粑之一，佢炸完但又唔會over cook，之後用黑白糯米去做，另到食落去有兩種唔同嘅味道，真係超級無敵好味，唯一要挑剔嘅地方就係份量唔多，咁好味嘅食物無理由淨係得6舊🥹🥹。
最後食到勁飽，都決定再要食多碗冰粉😂😂仲有一樣值得稱讚嘅係員工服務好好，態度好友善，我仲記得有個員工主動問我哋需唔需要換過隻碟，其實食呢啲烤魚就唔會太預計會有咩服務俾到你，但係其實只要比其他人做多一步，再足夠令人留下深刻嘅印象。所以我真心推薦俾鐘意同唔鐘意食烤魚嘅人。👍
7 瀏覽
0 讚好
0 留言
4 瀏覽
0 讚好
0 留言
2 瀏覽
0 讚好
0 留言
4 瀏覽
0 讚好
0 留言
4 瀏覽
0 讚好
0 留言
4 瀏覽
0 讚好
0 留言
張貼
