有得餃水餃專門店美食車 (已結業)

是晚有約在跑馬地，但為左一試美食車的五色餃，特登早點出門口嚟到灣仔搵食，呢頭四圍都做緊工程，响會展出邊揀錯方向行，响會展外圍行左個無敵大運才去到金紫荊位置。不過有得食，幾辛苦都無計。接近傍晚 約五點半到達，見到好多同胞和旅遊車，有人買緊飲品。風是少許大的，整番碗熱辣辣餃子暖吓身一流。五色餃:一碗有六粒收四十蚊一小桶，比之前多一粒，食客有福了^^餃子色彩鮮艷好吸睛，粒粒脹卜卜又足料，有些內有粒粒粟米，豬肉，要少辣，個汁好開胃微酸微辣甜味豉油，真係食得過。美食車除左餃子多，也提供多款小食和飲品，下次會再試吓其他美食。金紫荊廣場行入少少就係動漫樂園，沿海都有動漫擺設供人影相的，大家來搵食時可順便行吓，我自己上年也為左動漫人物特登走來影相喔，因好靚值得影