高興 (已結業)

去開觀塘搵食,打開飲食app見到竟然有間餐廳過百個哈哈笑仲未試過,就即時仆上去食一打開餐牌說明白點解會在工業大廈中有間咁受歡迎既餐廳  因為價錢真係好好好吸引丫!!!去到就叫到門口已經好特別，好多壁畫。入到去仲有個懷舊理髮座位，打卡岩哂❤️好啦，坐低選左一陣。最後點左大蝦柚子沙律, 美國肉眼扖配薯菜, 紐西蘭羊架五成熟, 同羽衣甘藍青蘋果青瓜梨冷壓果汁大蝦柚子沙律一上枱都嘩左一聲 因為真係好色彩繽紛 令人好有食慾 大蝦柚子清甜爽口 最特別既係個汁底用左椰奶 令到入口有好白濃既椰子味 配埋清甜材料非常開胃 十分高興美國肉眼扖配薯菜大大塊好有份量，油香配上面層少少焦脆，加上剛剛好的黑椒汁，香氣四溢。薯條明顯炸得香脆,唔似得其他餐廳咁等到淋曬，令人食指大動!五成熟紐西蘭羊架同樣面層少少焦脆，切開富有肉汁，肉味香濃鮮嫩，夾雜着甘香羊油極度滋味!!!! 雖然叫左兩碟好好味既肉有啲高卡, 不過加上同羽衣甘藍青蘋果青瓜梨冷壓有機果汁既清爽同健康，仲要唔會太甜，好好味。呢度無論係食物質素，價錢，服務，地方，就連餐具都爆哂分，一定會再泥過！