燒蝦蝦 (興泰大廈) (已結業)

媽咪去完泰國之後就好中意食大頭蝦，知道呢間有任食既流水蝦，真係唔可以唔試呀，呢度7:30後都只係$368一位，好多野任食，抵呀！流水蝦係呢度一定任食既野食，好正，好新鮮又大隻，隻隻都游住水等我地夾，拎到上黎燒完又多膏又彈牙，簡直同係泰國食既一樣呀(^L^)呢度另外好震撼眼球既就係任食既海鮮，一張長枱咩款都有，蜆都已經有沙白同大蜆，仲有青口，鮑魚，花螺，扇貝呢啲，我食得最多就係佢地既扇貝，可以加啲蒜蓉落去一齊燒，大大隻好鮮甜好爽口，真係勁正囉，食到好滿足呀o(≧v≦)o而且呢度仲有任飲既生啤，係連1664都有，真係好抵好爽，酒鬼一定要黎呀！