影片
更多
2020-09-29
1404 瀏覽
話說一行三人想飲個茶，路經屯門就見到呢間名苑酒家，撞啱下午三點有下午茶。埋去拎位時，阿姐話「三點半cut單喎，叫我哋劃住點心紙先。一陣有位比我哋」咁我哋梗係嗱嗱聲睇吓點心紙先啦。轉個頭有位就直入坐低啦。睇睇張下午茶點心紙，都唔係好多選擇，咁就嗱嗱聲三點半前，點好晒嘢食交比阿姐啦。點咗3個孖寶點心，一隻乳鴿，一碟XO醬乾炒肉絲南瓜麵。選擇太少啦，選返自己想食就算啦。好快就嚟第一份孖寶點心先，煎蘿蔔糕，煎鯪魚餅。蘿蔔糕普通嘢，勝在飽肚；鯪魚餅反而有驚喜，鯪魚煎香，咬落有馬蹄，幾爽口！第二輪孖寶點，兩份一齊嚟，熱辣辣。有牛肉腸、潮州粉果、菜苗餃、愛之蜜語（奶黃蒸餃）。粉果普通，牛肉腸有塊翠肉瓜係裏面，幾特別，味道可以。而個愛之蜜語（奶黃蒸餃）成嚿糯米皮包住少少奶黃，味道格格不入。最有驚喜係菜苗餃，裏面有蝦肉，菜苗夠滑又皮薄，食落去夠晒飽滿。食完輪點心，部長阿姐突然埋嚟話廚房落咗場走晒人，無乳鴿，無炒麵！我哋都未反應過來，阿姐仲走埋添。食得一半，真係一肚氣！三點三落單時又唔講廚房落場，趕唔切落單，到頭來無嘢食。話口未完仲比埋張單嚟收錢，完全無理過食客！真係激死，下次唔會再幫襯，食到好嬲 😤
話說一行三人想飲個茶，路經屯門就見到呢間名苑酒家，撞啱下午三點有下午茶。
埋去拎位時，阿姐話「三點半cut單喎，叫我哋劃住點心紙先。一陣有位比我哋」咁我哋梗係嗱嗱聲睇吓點心紙先啦。
轉個頭有位就直入坐低啦。
睇睇張下午茶點心紙，都唔係好多選擇，咁就嗱嗱聲三點半前，點好晒嘢食交比阿姐啦。
點咗3個孖寶點心，一隻乳鴿，一碟XO醬乾炒肉絲南瓜麵。選擇太少啦，選返自己想食就算啦。
好快就嚟第一份孖寶點心先，煎蘿蔔糕，煎鯪魚餅。蘿蔔糕普通嘢，勝在飽肚；鯪魚餅反而有驚喜，鯪魚煎香，咬落有馬蹄，幾爽口！
第二輪孖寶點，兩份一齊嚟，熱辣辣。有牛肉腸、潮州粉果、菜苗餃、愛之蜜語（奶黃蒸餃）。
粉果普通，牛肉腸有塊翠肉瓜係裏面，幾特別，味道可以。
而個愛之蜜語（奶黃蒸餃）成嚿糯米皮包住少少奶黃，味道格格不入。
最有驚喜係菜苗餃，裏面有蝦肉，菜苗夠滑又皮薄，食落去夠晒飽滿。
食完輪點心，部長阿姐突然埋嚟話廚房落咗場走晒人，無乳鴿，無炒麵！我哋都未反應過來，阿姐仲走埋添。食得一半，真係一肚氣！三點三落單時又唔講廚房落場，趕唔切落單，到頭來無嘢食。
話口未完仲比埋張單嚟收錢，完全無理過食客！真係激死，下次唔會再幫襯，食到好嬲 😤
張貼
