Caligari

營業中

休息中

呢間日式咖喱餐廳開咗都一段時間，之前book mark咗，所以今次同同事去試吓。餐廳環境其實唔大，不過真係非常非常之嘈，仲嘈過喺茶樓嗰度，真係左右隔離講乜都聽晒。我哋分別叫咗兩款唔同嘅咖喱🍛，分別有: 椰汁咖喱吉列豬扒, 特級香料咖喱和牛可樂餅飯椰汁咖喱吉列豬扒飯咖喱非常之濃郁，食落去好鹹，吉列豬扒炸得好油，炸嘅方式應該係去到最後冇高溫必啲油出嚟，所以成塊真係油淋淋。我個人都幾大食，但係食咗三份二已經頂唔順，好滯好油。特級香料咖喱和牛可樂餅飯同上面一樣，呢個仲要再鹹過椰汁咖喱，可樂餅味道其實很不錯，但都係一樣炸得太油，配菜食落都太鹹。呢間可能唔係太啱我哋香港人口味。呢一間真係唔太推薦，除非你10分喜歡好濃郁嘅咖喱。如果餐廳可以調一調個味道，符合返我哋香港人口味嘅話應該會好好多。