滿屋日本料理 (已結業)

肺炎之後好耐冇食過放題啦！！今日約咗三個好耐冇見嘅朋友嚟滿屋食放題🤗。食放題嘅好處就係可以乜嘢都試吓🤣，雖然啲人成日話食壽司好易飽要食刺身先抵，但係基於我實在太鍾意食炙燒壽司🍣，我就叫左炙燒三文魚，肥牛，芝士帶子同鰻魚，全部都好好食🥰！我哋仲叫咗天婦羅同好多炸物🍤，有我最愛嘅芝士年糕🧀，炸物全部都熱辣辣同脆卜卜。我哋仲食咗蛋撻仔，焗蠔，肥牛鍋🦪🍲，下刪一萬樣食物，飽到第二日都唔洗食🙂。