Sweetology (已結業)

最近試左一間細細地環境幾舒適嘅餐廳，裡面大多以甜品為主，仲有全日早餐俾食客揀。價錢連埋加一都唔算太貴，而且店內嘅服務都好好，食物嘅款式都非常豐富。因為食晚餐，所以叫左個意大利雜菜湯配脆巴馬火腿螺旋及長通粉，份量一般，比較啱怕肥嘅女士們，味道酸甜醒胃。而瑞士汁雜菌(配白飯)再加沙律，味道清新香甜，調味同配搭都合宜。隨餐附有多士同柚子冰紅茶，非常滋潤。甜品我就揀左鮮雜果配窩夫，生果嘅味道新鮮香甜，加上有士多啤梨雪糕做配搭，外觀都非常悦目。