花楽 (翩滙坊) (已結業)

鵝肝壽司細細舊但入口即溶，口感好滿足！而三文魚刺身點睇都咁新鮮，色澤鮮明，食落去感受到滿載魚脂，無令我失望～而芥末嘅芥末味好濃但唔攻鼻，兩個配上咁食真係食過返尋味。加上價錢好吸引，壽司刺身平日會半價！一啲飯卷佢都可以整得唔錯，鹽水紫菜芝士三文魚蟹肉卷，芝士三文魚蟹肉混合於當中，不是太常有嘅配搭而味道還好。泡菜豚肉石鍋飯一黎到就聞到好香泡菜味，而且有好多嘅洋蔥同豚肉。泡菜味夠濃，加上洋蔥好啱中意食重口味嘅我。炸蠔不得不提非常值得推介。食入口好脆但入面係仲有汁的，好juicy，加上啲蠔夠新鮮所以冇乜腥味。壽喜燒嘅湯底好清甜，單單食佢哋嘅配菜都已經好有味。而佢哋嘅牛肉係會配上日本蛋同芝麻醬，本身牛肉嘅口感就好冧，加上日本蛋可以令牛肉食入口更嫩滑。再加上芝麻醬會令味道更豐富。