豚丼のぶたはげ (德福廣場1期)

營業中

休息中

見咁多人排隊，就即管搵日襯唔多人嘅時候試下呢間餐廳。當日唔駛排隊就可以入座，帶位嘅職員非常有禮貌歡迎客人，我地兩個人被安排左係一個三至四人嘅大卡位。我叫左豚肉飯，豚肉調味好夾又唔會咸、豚肉好嫩又多汁、日本米好好咬口又索哂豚肉嘅醬汁，好滿意呢個飯我地仲叫左個天婦羅烏冬，炸蝦好大隻但炸粉唔會太多，蝦蝦好鮮肉質夠實，其他炸物都好熱又脆口，烏冬夠滑。個茶碗蒸嘅蛋又滑又香，個湯都好多料，絕對唔係得個咸字，有驚喜。個甜品係黑糖寒天，中和番炸物嘅咸味，為今餐劃上完美的句號。值得一讚嘅係餐廳環境，乾淨又衛生，坐得好舒服。成個裝修都充滿日式風情。另外樓面的侍應都招呼周到，細心留意到客人嘅需要，主動加茶，上菜好快。整體對呢間餐廳都好滿意，亦都有一個好愉快嘅用餐體驗。