蛇王恩 (已結業)

記得細個果陣去食過蛇宴，太耐已經唔記得係咩味，最近天氣開始轉涼，又醒起可以去食蛇喎，去開佐敦就在附近的店試吓啦～店面簡單，牆上貼滿菜式，有蛇羮（分大中小）、不同嘅蛇酒、蛇肉、糯米飯等應有盡有。我要了一碗中size的蛇羮，湯羮的味道不錯，食完唔會好口乾，有啲薑絲、木耳絲一齊煮，可能係冰鮮蛇嘅關係，唔太食到蛇味，不過就唔腥，另附薄脆一小碟。食到一半，體內開始有鼓暖流，當天天氣未算好凍，如果再凍啲去食就正，食到個人暖笠笠。一邊食緊，一邊聽到路過途人話食碗蛇羮都好喎，不過講完都係冇入嚟食。不過老實講間中補下真係好應該㗎！🤣