Angry Oppa Restaurant & Bar (已結業)

約左幾位三五知己老友食晚飯，年紀越大身邊既好友都好事近，替佢開心。講返餐廳，老闆係韓國人，牆上掛上中文字既電影名。free style pancake ($188)，牛肉、大蝦、泡菜、菇、蔥，可以按自己喜好將配料放入煎爐，再倒pancake漿，同朋友自制得好開心，幾過癮。魚糕青口湯鍋($99)，好大盤好足料，將食物浸落個湯底，真係好似係韓國食到既一樣，好暖胃。迷你五花肉熔岩批($90)，形狀不是扁身，是高身好似蛋糕形，批入面有芝心，食落好軟好香芝士味，而且用五花肉做批又幾特別，不過又幾好食。韓式煎大餃子($58)，有4隻，隻隻都煎得好靚而且好飽滿，我地揀左唔辣既味道，煎得好香脆。