影片
更多
2013-07-25
1316 瀏覽
家姐生日飯, 諗住近佢屋企, 於是我前一日打電話去訂枱, 接線的C9廣東話唔太正宗, 一開始佢已經好似叫你唔好黎食咁, 語氣差到無朋友, 講野完全無尾音, 仲要唉唉聲咁, 個刻真係想爆粗鬧佢! 到食飯個日, 我地一枱共十人, 一路食都無乜野既, 跟住叫一個穿黑色制服的C9攞蛋糕, 咁佢個頭應完你, 轉頭已經無左件事, 算! 我當你忙唔記得左, 咁我就搵第二個啦, 終於等左十分鐘, 個蛋糕黎喇, 諗住問一個男侍應借火, 又係個頭應完你, 轉頭無左件事, 結果搵左一個穿粉紅色制服既女侍應, 呢個侍應我諗係全酒樓最好的一個了, 起碼佢識笑....., 食完蛋糕, 因為食剩好多餸, 唔想浪費, 唯有打包喇, 於是叫番穿黑色制服個位C9攞個盒黎, 佢今次有做野喇! 不過攞到黎個陣就咁掉係度, 係真係掉個隻.....嘩, 大佬, 我知廣告都有教食唔哂唔好哎, 咁我都諗住打包啦, 你唔洗咁兇狠卦?! 埋完單准備走啦, 咁我地有兩個小朋友, 係我姨甥黎, 我覺得佢除左嘈D之外, 都算可愛既, 咁佢唔知做乜向個位黑色制服既C9做左個鬼險之類啦, 個C9竟然回以一個極厭惡、憎狠同埋鄙既眼神啤住我姨甥, 我
到食飯個日, 我地一枱共十人, 一路食都無乜野既, 跟住叫一個穿黑色制服的C9攞蛋糕, 咁佢個頭應完你, 轉頭已經無左件事, 算! 我當你忙唔記得左, 咁我就搵第二個啦, 終於等左十分鐘, 個蛋糕黎喇, 諗住問一個男侍應借火, 又係個頭應完你, 轉頭無左件事, 結果搵左一個穿粉紅色制服既女侍應, 呢個侍應我諗係全酒樓最好的一個了, 起碼佢識笑....., 食完蛋糕, 因為食剩好多餸, 唔想浪費, 唯有打包喇, 於是叫番穿黑色制服個位C9攞個盒黎, 佢今次有做野喇! 不過攞到黎個陣就咁掉係度, 係真係掉個隻.....嘩, 大佬, 我知廣告都有教食唔哂唔好哎, 咁我都諗住打包啦, 你唔洗咁兇狠卦?!
埋完單准備走啦, 咁我地有兩個小朋友, 係我姨甥黎, 我覺得佢除左嘈D之外, 都算可愛既, 咁佢唔知做乜向個位黑色制服既C9做左個鬼險之類啦, 個C9竟然回以一個極厭惡、憎狠同埋鄙既眼神啤住我姨甥, 我心諗, 你唔想做就返屋企啦, 香港既服務業就係俾你呢種人拉低哂! 可借佢地係無卦住員工名的, 如果唔係我一定開名, 等各位去見識一下呢位C9既服務!
最後我諗諗下, 當日接電話個人分分鐘就係呢個C9, 一個咁既人都可以做服務業, 希望酒樓既老板或者高層重視一下吧! 其實海港我都幫襯過好幾間, 大埔, 將軍澳, 寶琳新都城我都去過, 但真心講句, 間間既服務都係麻麻, 記得初初個陣(我諗都有十年八年前)都唔錯的, 食物又OK, 但近年真係差左好多, 特別係員工質素, 希望佢地會認真改善一下吧.
張貼