鮨政 (已結業)

我地3個人叫佐勁多野呀，先試八爪魚蕃茄沙律，好多八爪魚，每塊都好厚好鮮甜，蕃茄亦有好多片，加埋海藻，成個沙律酸酸地，食完好開胃(^o^)呢度既炸物都好吸引，我地叫佐炸軟殼蟹同埋大雜錦天婦羅，軟殼蟹係原隻拎去炸，炸得好鬆脆，成隻蟹好咸香超好味，另外雜感天婦羅都有蝦，茄子，蟹柳，冬菇，蕃薯呢啲，每樣都好好食，好新鮮，完全唔會油膩，好香口(≧▽≦)而燒物我地就試佐銀鱈魚西京燒，燒鰆魚他他同埋燒鰻魚玉子燒，銀鱈魚好靚，好新鮮，魚肉夠晒嫩，燒汁好香，燒到出晒啲魚味；鰆魚他他燒到鰆魚半熟，內芯好嫩，口感一流；鰻魚包係玉子燒入面好特別，啲蛋吸收晒鰻魚既香味，又嫩又滑(=^x^=)壽司方面試佐吞拿魚黃瓜卷，三文魚牛油果卷同埋炸蝦天婦羅卷，吞拿魚又多又新鮮，配埋脆脆既黃瓜口感豐富；三文魚同牛油果都係軟林綿綿既，三文魚都好肥好新鮮，好滿足既口感呀；炸蝦天婦羅都整得好好，放係壽司入面食好好食，中和留果油膩感(｡･ω･｡)