包販子 (已結業)

相約朋友係太子，佢提議旺角警署果頭，最近開左一間幾特別嘅cafe。於是，我地就黎左呢一間專賣包或者sandwiches嘅文青小店。呢度感覺清新，插畫尤其吸引。以為木枱木櫈會坐得唔舒服，點知一傾就三個鐘，女生果然都係愛說話嘅動物。睇menu，野食看似簡單，包類食物只係將個包裡面嘅材料列舉晒出黎，但上菜後卻有意外驚喜。先係叫左個鹽酥菇。有多種不同菇類，連金菇都有，炸得炸薄。醬汁蒜味香濃，令人一再回味。下午茶時段，其實大家都唔算肚餓，叫左個芝+煙肉+荷包蛋包。估唔到個包細細個 內涵卻係咁豐富，所謂煙肉，簡直係數大舊五花腩，男仔都食得飽。麵包唔係普通漢堡，幾脆口。半熟荷包蛋，切開蛋汁沾滿麵包同其他配料。連同芝士加上厚切煙肉，食落去口感好豐富。配上蜜糖芥末醬減少油膩感。估唔同兩樣食物，都足夠我地食到好飽肚，有機會一定會試埋呢度嘅甜品類。