Jashan Celebrating Indian Cuisine

營業中

休息中

雖然中環有好多好嘢食，不過通常都係粥粉麵飯，有時真係想食下其他野。今日因為工作緣故行咗去大館附近，發現到有間環境唔錯嘅印度buffet lunch，仲要只係百幾蚊，即試！😆一坐低店長就好有禮貌地邀請我同同事參觀及介紹佢地嘅菜式，仲即直叫人準備一道暖笠笠南印度嘅前菜叫Masala Dosa.Masala Dosa 外形好似crepe皮好薄好脆好乾身同輕形，裡面有咖喱薯蓉，旁邊仲有番茄醬及椰子醬作點綴，真係好得意嘅配搭，不過每人只有一份，所以大家記得趁熱食呀！之後我地叫左杯飲品Mango Lassi，嘩！呢個夏天飲真係好消暑，裏面好似用左好多個芒果去整，感覺好清新。炸魚fish amritsari 喺一般印度菜未必食到，有fish & chips嗰種炸魚感覺不過係粒粒版本，任食😍。Prawn Madras 本身有好多蝦，蝦汁落哂嗰黃色醬到，甜甜地又唔辣餸薄餅唔錯。食完呢餐印度菜自助餐，我對傳統嘅印度菜多左認識，想試新野嘅朋友不妨可以試吓。