屋喔 (已結業)

大班舊同學聚會，近黎興食台式料理，有同學就介紹黎到呢間餐廳試試，睇下港版既台式料理係咩味道。食台式野點少得鹽酸雞，雞粒炸到香脆，梗係啦即叫即炸喎，皮薄肉厚，雞肉夠嫩滑，裡面仲充滿雞汁添，口感正。鹽味剛剛好，椒鹽加上紫菜碎，令口感相當豐富。另外仲有台式不能少既古早三杯雞，聞落已經相當香，食落就更不在話下，雞肉質感正之外，味道吸收晒薑味與酒味，令味道超惹味，薑與酒既混合更加係味道更昇華。跟餐仲有凱薩沙律，新鮮之餘加上麵包粒，口感卜卜聲，令我覺得相當清新。除左台式仲有西餐添，呢個係西班牙龍蝦海鮮飯。西班牙穫仔燉飯相當軟淋淋，但咬落裡面口感有趙頭，加上有龍蝦汁既味道，仲有淡淡紅花香，令味道更清甜及龍蝦海鮮味。龍蝦肉質地爽，味道鮮甜，隻龍蝦仲有成隻手板咁大添。估唔到除左台式野西班牙飯都一樣掂喎。