影片
更多
2019-07-20
148 瀏覽
係觀塘做完運動，朋友係網上見到小時光好似好得意咁，雖然網上睇到食評好壞參半，不過係附近就即管走過黎試下個午餐，首先講下個地點，因為係星期日嘅關係，工廈原本有嘅路無得入，結果要入停車場兜一大個圈先上到黎。 入面黎，其實都知佢感覺係sell 懷舊，但比較估唔到實際嘅感覺係真係幾舊下。首先店家其實係有花心思佈置成個空間嘅，放咗好多懷舊嘅玩具，擺設，漫畫，有部份木椅直情有台灣學校嘅名係度，打卡影相係幾靚嘅，但近望就見到好多野都封咗塵，而且有點痴立立嘅感覺，好似係好耐都無人清潔過咁。 食物方面，點咗三杯雞便當同台式滷肉飯便當 三杯雞味道同係台灣食過嘅味道有點不太一樣，第一醬汁無乜，似係輕輕滷過嘅雞肉，唔知台灣三杯雞嘅油亮沾上醬汁；第二無乜香味，三杯雞最重點係有啲酒香，麻油香同九層塔嘅香味，呢度嘅九層塔就咁放咗係面都無放入去一齊煮，米酒味都無，麻油味都無乜。食落更加係無乜味，而且雞肉比較鞋口，敗筆。 滷肉飯就似返啲台灣口味比較肥，其他滷味煮得OK 只係比較咸，可惜份量都係比較少，女生食就應該岩岩夠，男生食就一定唔夠。 店員態度方面，sell 得台式感其實唔多唔少都會覺得有啲台灣親切風，但店員樓面嘅
入面黎，其實都知佢感覺係sell 懷舊，但比較估唔到實際嘅感覺係真係幾舊下。首先店家其實係有花心思佈置成個空間嘅，放咗好多懷舊嘅玩具，擺設，漫畫，有部份木椅直情有台灣學校嘅名係度，打卡影相係幾靚嘅，但近望就見到好多野都封咗塵，而且有點痴立立嘅感覺，好似係好耐都無人清潔過咁。
食物方面，點咗三杯雞便當同台式滷肉飯便當
三杯雞味道同係台灣食過嘅味道有點不太一樣，第一醬汁無乜，似係輕輕滷過嘅雞肉，唔知台灣三杯雞嘅油亮沾上醬汁；第二無乜香味，三杯雞最重點係有啲酒香，麻油香同九層塔嘅香味，呢度嘅九層塔就咁放咗係面都無放入去一齊煮，米酒味都無，麻油味都無乜。食落更加係無乜味，而且雞肉比較鞋口，敗筆。
滷肉飯就似返啲台灣口味比較肥，其他滷味煮得OK 只係比較咸，可惜份量都係比較少，女生食就應該岩岩夠，男生食就一定唔夠。
店員態度方面，sell 得台式感其實唔多唔少都會覺得有啲台灣親切風，但店員樓面嘅年青店員雖然身穿校服look，但全部都好無神無氣行屍走肉咁。
總括呢度都係啱黎影相多，唔好太期望野食會俾到啲真台式嘅味道同台式風格。另外唔關食物事不過好想講，呢度嘅落單系統係用簡體字，貨幣單位係人民幣，即係大陸嘅落單系統，但係呢度sell 嘅係台灣風呀，成件事好唔match 的感覺。
張貼
