台灣麵 (已結業)

又食中學時代至愛台灣麵😚😚.涼拌蔥油海哲好凍好清涼，夏天作為前菜，消暑一流。入口嗦嗦聲，好爽脆彈牙。雙排雙格餐呢個餐係選擇困難人士福音，可以揀2款主食孖住一齊食。我揀左牛肉麵併滷肉蛋肉燥飯。 牛肉麵牛肉軟淋入味，麵條彈牙有咬口，口味幾正宗。滷肉蛋肉燥飯肉量超豐富，除咗一粒粒肉燥，仲要大大嚿豬五花，拌埋啲飯一齊食，完全啖啖肉。.青檸柑桔愛肉涷跟餐加$8有得轉特飲。超大杯，好抵飲。愛肉涷口感QQ，而且畀得一啲都唔孤寒，一路飲一路都着啜到好多愛肉出黎。.值得一提，呢到職員服務好殷勤有禮，成個用餐體驗都好愉快。.