影片
更多
2021-04-18
1248 瀏覽
4人一枱，叫到成枱。除咗點心 ，佢都有好多廚房小食，口水雞，豬腳薑，胡椒豬肚湯之類，食物全部都係街坊酒樓水準。好多人幫襯，代表佢啲嘢都唔太差，價錢其實唔貴，只不過我哋食得太多，四個人埋單三百幾蚊。推介佢嘅燒腩仔同燒賣。燒腩仔唔會太咸，燒賣足料，面頭有隻蝦，豬肉餡料味道唔錯。屋企人就最欣賞佢嘅豬腳薑，唔會甜過龍，入味。炸雲吞比較差啲，入邊完全冇乜餡料，比起我上次去神燈任食嗰粒炸雲吞就差得遠，任食果粒餡料都多過佢。帶子餃，得菜冇乜帶子。服務唔好有期望，職員都係愛理不理。一般街坊酒樓裝修，有一壼滾水放喺枱面俾你自己沖茶。食完自己出去埋單。～報告完畢～
張貼
