熊築地 (已結業)

之前聽過呢間手卷壽司鋪，尋日同啲friend經過埋入黎試嚇囉。我食咗個海膽手卷同埋個鵝肝手卷，仲有白珍珠生蠔。先講講海膽手卷喇，啲海膽好似有啲苦苦哋，似乎唔夠新鮮。跟住啲壽司飯好淋，啲飯好鬆散，不過好彩啲紫菜夠脆，夠香。舊鵝肝雖然細咗啲，但的確煎得幾香，不過可惜，呢個鵝肝手卷塊紫菜好淋，冇嗰個海膽手卷咁脆，所以都係影響到個口感。對啲手卷真係好失望，40幾蚊嘢，等咗2個鐘，唔抵食囉。啲白珍珠生蠔總算冇令人失望，還可以。唔知點解，食到一隻勁咸，唔知係咪忙得滞，個師傅拎錯咗，啲海水味好重好咸，絕對唔係白珍珠，我諗你哋應該唔會將嗰啲十幾蚊嘅cheap嘢當白珍珠賣俾我啩。