影片
更多
2024-05-02
811 瀏覽
之前見到foodie阿祖有post過呢間嘢，覺得賣相好似幾好所以就去咗食。第一次都覺得還好唔錯嘅，叫咗份油潑扯麵配炸豬排，份豬排幾大塊，個麵都ok幾香，所以有推薦朋友去食。然後第二次同朋友去食，佢地唔知食乜好，就跟我叫咗一模一樣嘅嘢食，明明大家差唔多時間落單，但係前後等咗25-35分鐘左右時間先有豬排（未有麵），塊豬排仲要大小唔一樣，差得有啲遠，我就同朋友講唔緊要喇～呢間嘢我帶你入嚟，俾塊大塊啲嘅你。跟住，朋友食食吓發現大塊嘅豬排係未熟透的…….第三次，因為喺銅鑼灣唔知食乜好，又想食平啲所以又嚟咗，我以為自己生食緊鹽……其實已經聽個職員講話撈勻曬先食，但都係鹹到嘔。事隔半年唔記得咗同自己講過呢間嘢俾我blacklist咗😂😂😂又作死嚟食，塊豬排依然好大塊，但係一半係炸粉，仲要喺麵入面見到一堆好似麵粉定唔知味精的東西，唔記得咗影相，走去問staff呢個係咩東西，個staff話哈哈你考起我添我都唔知道……然後就拎咗入廚房，個師傅即刻拎啲熱油蓋過啲粉/味精然後拎返俾我，再同我講唉～調味料啫～撈勻就冇事喇～心諗奶曬嘢….
第一次都覺得還好唔錯嘅，叫咗份油潑扯麵配炸豬排，份豬排幾大塊，個麵都ok幾香，所以有推薦朋友去食。
然後第二次同朋友去食，佢地唔知食乜好，就跟我叫咗一模一樣嘅嘢食，明明大家差唔多時間落單，但係前後等咗25-35分鐘左右時間先有豬排（未有麵），塊豬排仲要大小唔一樣，差得有啲遠，我就同朋友講唔緊要喇～呢間嘢我帶你入嚟，俾塊大塊啲嘅你。跟住，朋友食食吓發現大塊嘅豬排係未熟透的…….
第三次，因為喺銅鑼灣唔知食乜好，又想食平啲所以又嚟咗，我以為自己生食緊鹽……其實已經聽個職員講話撈勻曬先食，但都係鹹到嘔。
事隔半年唔記得咗同自己講過呢間嘢俾我blacklist咗😂😂😂又作死嚟食，塊豬排依然好大塊，但係一半係炸粉，仲要喺麵入面見到一堆好似麵粉定唔知味精的東西，唔記得咗影相，走去問staff呢個係咩東西，個staff話哈哈你考起我添我都唔知道……
然後就拎咗入廚房，個師傅即刻拎啲熱油蓋過啲粉/味精然後拎返俾我，再同我講唉～調味料啫～撈勻就冇事喇～
心諗奶曬嘢….
$55
19 瀏覽
0 讚好
0 留言
張貼
