京林屋 (希慎廣場)

營業中

休息中

想食甜品，又想食咸嘢，京林屋絕對係不二之選，無論咸甜，佢都never disappoints. 之前喺度食過晚飯，今次就叫個靖魚定食試吓，同埋跟set 叫咗蘋果玫瑰茶飲吓。先講個茶，因為第一樣上就係佢，朋友叫咗個葡萄茶個香味就搶哂我呢個蘋果rose. 但飲落都比一般茶店嘅水果茶重好多，平時飲嗰啲唔會有咁岀個味，呢度嘅果茶就真係有嗰個味，例如今次真係會飲到蘋果同rose 嘅味，當然飲落無聞落咁突岀，但都唔錯，好有清新嘅味道。再嚟係個定食，魚燒得好靚個味都好好食，最正係佢完全無骨，表示好滿意，係個茶飯麻麻，茶味就有喇，但真係唔太習慣，亦唔太吸引，有得揀真係寧願食返白飯。最後加多件matcha cake roll 埋尾，正。無論雪糕定cake roll 都做得好好，抹茶嘅澀岀哂嚟，個抹茶cream 都好食。缺點係份量唔多但價錢有啲貴，不過間唔時食舊cake, 又ok 既。