新一派 味道 (已結業)

很久沒有光顧此餐廳，因第一次光顧時有相當不愉快的經驗。今天與同事於坑囗開工，在下午茶時間約三點左右，再去了這裡光顧。一行入去發現人頭湧湧，不少人在等位，我覺得很奇怪，間舖明明咁大，卻有大半地方被圍起來不開放，以致好多人想幫襯都唔得。我和同事二人不想等位正想離去時，剛好有張細檯埋單，於是我地便就坐了。坐低約五，六分鐘都無人理我地，又無人執檯，叫極班伙記都係回應一句:等等先！好不容易有個黑囗黑面既部長埋黎寫單，我地叫完野食後，多囗問左一個剛好經過既中年女侍應，點解封住咁多地方唔開放，嘩！佢竟然好惡咁同我講:[ 我地咁少人做野，開咁多地方做乜呀？你做呀？]哈洽，真好笑，有人無生意做，有人有生意又唔願做，呢個世界真奇怪！講番食物，我再次點了個意式肉醬焗意粉茶餐，做得依然好出色，醬汁香濃又好味，連飲品不過22元兼免加一，好抵食！我同事就叫了一個魚蛋粉連飲品的茶餐，16元真係平到笑，佢話好好食喎！其實呢間餐廳今次係第二次幫襯，講真地方好乾淨舒適，食物水準真係唔錯，價錢也算ok，但係唔明點解d侍應及部長服務態度咁差，無禮貌既黑面餐廳，始終都係令人反感的！