德膳壽司 (已結業)

都有一段時間無食過日式放題。朋友推介呢間放題，咁就一齊試下啦。等咗大約10分鐘就有得坐。一坐低就即刻叫野食...都算黎得快，叫左之後5-10分鐘就陸續上檯。刺身唔錯，都算幾新鮮。小弟唔係好鍾意食蝦，所以都係專攻三文魚～八爪魚。壽司手卷等等都OK。大家一開始叫少少先，咁樣就可以試多啲野喇！以下4個前菜...大家見到都應該唔陌生。酸薑係首推。唔會好甜，薑味都幾出，食完好開胃。反而韓式泡菜唔好食，超苦。繼續介紹小食！枝豆同鰻魚玉子燒都好正，大家不妨試試。全餐最滿意既一定係燒菠蘿。出面放題一般都唔會將菠蘿肉切出黎，食嗰陣都幾狼狽。呢度會好貼心咁切開菠蘿肉，變相用牙籤輕輕一吉就食到，超方便！而芝麻雞翼都唔錯，食幾舊都得呀！ 話雖如此，我覺得呢間黎一次就夠。甜品選擇令人失望，80%都係雀巢雪糕同雪條；芝士蛋糕超難食。300零蚊既放題唔應該只係得呢啲“甜品”。用餐桌面超細（兩人用既檯面），放幾樣嘢已經滿晒。洗手間環境亦令人失望。我相信呢個價錢可以搵到更經濟實惠既放題。如果大家未試過可以試下。不過我食過既就唔會再翻兜喇。