自家人酒家

營業中

休息中

下午飲茶，我地開左兩圍坐，因為會直落打麻雀同食晚飯，所以兩點幾去到嗰時，酒樓可以直接開廳房俾我地坐。咁好啦飲茶叫點心，有個望落似係駝背既點心呀嬸送餐，朋友斟茶，佢大聲喝：「嗱縮手呀！淥死冇命賠呀！」我地當堂成頭問號。我地全部大人大姐，明事理，你好聲好氣提一聲，我實就嫁喎，但點解要咁既語氣？佢擺低碟煎堆，我地叫佢剪一剪，同樣一句得埋嚟：「冇較剪！要就自己行去大排檔拎！」明哂。我地幾個女人仔講佢態度差就句句頂住哂，係到幾個男人拍枱先肯收聲，欺善怕惡，態度又差，大家如果想感受咁既服務態度就去食下啦。