La Piazzetta (已結業)

是日Happy Friday，又到公司附近揾新嘢食，最後揀了La Piazzetta。餐廳分兩層，面積不算很大，座位挺舒適。不過，未知是否樓上開party的緣固，店內頗嘈吵，影響用餐氣氛。午餐menu有兩個，各有七八款套餐。主菜款式其實差不多，只是executive lunch menu多了一客甜品，但貴三四十元！小小一片意大利餐包，烘焗至金金黄黃，温度暖緩，口感脆脆，有點像多士，味道不錯。比較奇怪的是serve包時店方並無提供刀碟食具，包碎少不免會弄污餐桌，而且又無地方盛載黑醋橄欖油，真奇怪？！餐湯沙律二選一。是日以菠菜湯作餐湯，墨綠色的菠菜蓉清楚可見，味道清淡，OK。主菜選了海鮮扁意粉，以扇貝型餐碟盛載，頗為貼題。扁意粉面上加滿蜆肉、海蝦及扇貝，賣相不俗。味道方面，醬汁以蕃茄辣椒等材料烹制，味道酸中帶辣，都幾惹味。配上的扁意粉口感普通，未夠煙韌。海鮮方面，蜆肉不俗，味鮮無沙。海蝦唔新鮮，肉質有點霉。扇貝則普普通通，同樣鮮味不突出。餐飲凍奶茶，等了很久才有得飲。茶底淡而無味，一般西餐廳的低下質素。結賬時發現打錯單，大家小心。另外，店中服務感覺一般，此價錢的餐廳理應做得好一點。