紅丸甜品 (已結業)

呢間紅丸甜品位置不是太好搵, 跟住地圖兜左個圈先搵到, 原來係屋宛入面。店面小小, 不過裝修得唔錯,走可愛型路線， 唯一差係個店員態度麻麻。我地因為熊貓咖哩飯而黎, 點知黎到已經過左時間。唯有食其他甜品....我地叫左一個小食套餐，有甜品, 沙律。仲叫左個西瓜凍~沙律都OK, 新鮮~甜品係紅豆布甸。紅豆布甸比想像中好食，係椰奶味，甜度剛剛好~西瓜凍係西瓜味大菜糕, 賣相非常好~味道清甜值得一試。